Angangon
Cerbun Elly Dharmawanti
DI RANGLAYA sedi, setumpak Lita ngerasa tikancong mik ruangan,rangsai tumbai risok di silau tian ruwa Fras, bakas sai parnah redik nihan jama kehurikanni.Lita ngehema sarebok. Ya mawat pandai rasa kahutni jama Fras mawek dapok dilebonkoni.Ruwa tahun sai radu liyu, kindang injuk ampai nimbi kejadian-kejadian uditibayang di uluni.
Alibambang liyu di hadapni. Lita ngimut cutik, tumbai mawatbimbang Fras cerita api riya, kuk setatusni sai radu bukeluarga.
Mata Fras nyiar waktu nyeritako Dani, anak bakas hahanani saimalincah, nakal rek manja, rek kajongni Yanti, bebai sai ani Fras wat segalani,manalom, mahelau, rek guaini buyun. Kindang seunyinni kelebehan sai wat dibebaini, dianggop Fras nyani gagal kemupakatan keluargani.
“Nyak mawek parnah ngerasa tenang, ngerasa mawat tibutuhko. Nyakpandai ya parituk, kindang nyak terok ya terus ngeguaiko tugasni sebagai kajongku,” cawani Fras waktu seno.
Cawa-cawani seno luar putus-putus gegoh wat batu sai ngapuklungkungni.
Tumbai, Lita wat ngerasa aneh jama karilohni Fras,radu lamonhal sai mawek pantas ya pandai rek Fras nyeritako sunyin-unyinni.
Kik bakas mawek dapok tipungkeri, Fras mahelau nihan, pangliyaknimatajom, kimutni ngehanyutko api api ya juga. Wek semacom kekuatan sai mawekbenor-benor ya pandai.
“Nyak dacok gawoh ngabuhungko niku,nyegokko keadaanku jak hadapanmu,kindang api guna? Kik nanti niku narima nyak kindang lain nyak api adani,” ani Fras.
Lita nuntong Fras sarebok injuk bimbang jama cawa-cawa sedi. Terus ngahema sarebok, mawek ngedok cawa rek suara sai luwar jak beberni Lita. Matani ngariyap jawoh nihan,terus tian ruwa tambah redik. Perasaanni aneh tuwoh rek mekar di hati tian ruwa. Lita sadar bahawa sedi salah, rek celakani, ya mak dapokhaga nulak atawa majawoh jak Fras.
Mawat masaka Fras dapok nganjakkohati rani-ranini Lita. Kimur rek tuntonganni Fras ngebutako sunyinni, ngebutakopikeran rik tawai jak rek. Kik pak jak keluargani mawat lagi ditengiskoni.
Bakas sedi risok nyegokko mangi rek marecap di matani.
Risok waktu mulang jak beguai Lita mit rumah sakit, waktu sediFras ngeni pandai Dani dirawat mani maruyuh paru-paru basah. Kadu Lita senghajamulang paling mena haga nyilau, radu jak singgah di toko buah sarebok, yangelapahko mubilni mit rumah sakit. Senghaja Lita mawat ngeni Fras pandai waktuseno.
“Tante Lita,” taguni Dani waktu Lita di redik rangok.
Jantung Lita setumpak ngadegup balak. Di gelerni Dani mejong Yanti,inani. Bebai sedi keliyakan mabuya,kindang tetap mejong rek ngimut sambil musaubuwokni Dani, sekuat tenaga Lita usaha nguyunko karilohni sai buyun.
“Hallo Dani, repa keadaanni?” Lita balos nanya sambil nyium tagakniDani. Kadu ngeniko culukni mit Yanti.
“Api kabar, Ngah? Nyak Lita.”
“Munyaian. Mejong,”ani bebai sedi ngebalos taguni Lita.
Sarebok tian ruwa ngahema, Dani papedoman. Mawat masaka Lita langsung ngebaca buku repa kiluanni Dani. Yanti angkah ngejaga. Sampai kaduni Dani malelok.
“Ram parlu cawa,” Yanti cawa muneh legohan.
Pengrasani Lita campor-bawor. Ya nutuk bebai sedi ilung lepauni rumah sakit.
“Radu cukup saka, nyak pandai kahutni Fras mawat lagi jama nyak. Nyak mawat nihan pandai sebabni. Kindang sai kupandai wat kahut bareh sai terjadi hantara sekam ruwa. Mengapi Fras mukahut nihan jama niku?” Serebok Yanti ngahema. “Seandaini dani mawat telanjor wat masalah sinji mawat jadi rumas. Haga kurilakoya hurik jama niku, jujur nyak iri rek cemburu, kindang api sai dapok ku guaikotanno? Api sai dapok kuguwaiko in narek parhatianni? In nyani Fras tetap jadi inggomanku. Jadi bakni Dani, gegoh semangkung ni?”
Injuk kena kukuk, dada rek ulu gegoran; ya mawek nyangko cawa-cawasinji haga luwar jak bangukni Yanti. Polos nihan, tulus nihan. Jak seno Litangerasa busalah.
Radu jak ngatasi gegoranni, Lita cawa, ”Mawat ngedok sai dapok kuguwaiko,Ngah. Mak mungkin, jejama ngarti rek mandainii.” Lita nelon luini gegoran. ”Nyakbebai, repa sai diucakko Fras, Ngah udi adu aga sampurna, wat unyinni, kindangsebenorni hakikatni hubungan halok repaneram narima api pun di luwar badan ram. Jejama ngelengkapi.
Selama inji Ngah rek peran halok risok parituk jama kehurek antanggalan-tanggalan, jama kebenoran tanggalan-tanggalan. Halok seno jadi sinsalni.Nyak mawek pandai sapa sai salah lom halsinji. Api gelar Ngah Yanti, Fras, kemak malah nyak tanggalan.”
Yanti narek hengas, matani nyiar, waktu tian ruwa ngahema luwot.
”Maaf Ngah, tanno nyak musti mulang.”
Yanti nuntong, Lita ngimut pak sebenorni dipaksakoni. Kaducunggok,”Nerima nihan radu haga nyilau Dani. Narima nihan manatni.”
Lita ngahema. mawat masaka jak seno minjak ninggalko Yanti sailagi kicik angon tenggalan.
Sampai di kamar, Lita ngahampasko badanni. Lita nyesol, mengapi mustitebinta jama Fras. Angangonni Yanti sai polos anggokni wat kesan kerik utok, angangonniDani, rek halok kelebonan Yanti, maknikik Fras tetap haga mileh Lita. Kadu pudak Fras tanggalan, angon-angon sai buganti ngisi ulu ni.
“Mengapi niku ngeni nyak cinta Tuhan, kik seno aga nyakik ko jalmabareh,” hamper sebingi Lita miwang, segok, butong jama badanni tanggalan, mengapireno gelukni tiguda,ya pedom lelok kebuyaan.
Bunyi ni HP nginjakkonni, gelar Fras wat di layar. Lita bimbang.HPpira kali kebunyi. Lita narek hengas gelisah sampai akhir ni bunyi HP mawatkedengian lagi. Lita narek hengas nihan,wat tiram rek lading sai macok di dadani.
Kuruk alibambang sai jak singkap, mutar-mutar, nangkop rek narupsesai, kambor luwot, mutar-mutar, kadu ya buhasil luwar. Ngerasako pagi saiandop,imbau kumbang-kumbang sai mekar,ranglaya sai basoh.
“Lita nyak wat kabar senang,” pudakni Fras tikanjat nyabutkeratonganni Lita di kursi kafe sai biasa jadi rang tian butungga selama inji. Litanajomko pangliakni, fokus mit culukni Fras sai ngebekom sanglembar map.
Fras ngaliakko lembaran di culukni,”Radu sekian saka. AkhirniYanti aga niken surat cerai inji.”
Lita sungguk,matani lagi makiduk, Fras kaliakan bimbang.
”Wat api?” Fras nating bihom ni Lita.
Gegoran Lita mulai ngerasa busalah.
“Nyak mawat aga jadi penyebab kehancorn keluarga mu, tagan ko nyakmaleh, mileh ranglaya ku tanggalan, dang di korban ko Yanti sai kahut nihanjama niku, rek Dani, tian ancak ngabutuh ko niku.”
Culukni Fras tambah kuwat ngabekom culukni Lita.
”Mawat Lita, niku lain penyebabni. Kindang sekam nangun mawekcocok lagi. Sekam tanggalan sai ngemutuskoni babarong. Radu reno sakani sekamjejama mawat parduli, niku pandai seno kan Lita?” bunyini Fras kedengian maparau.
“Fras, mawat ngedok bebai sempurna di dunia inji. Reno muneh Yantirek nyak. Mawat ngedok. Awal ni nyak muhanggum jama cerita-ceritamu. Kindangjak seno nyak nyaraman. Niku juga kerik utok, halok ancak kerikni utokmu jakYanti. Niku nyepok kebahagiaanmu tanggalan, kebahagiaan sai injuk wat dipikeranmu. Niku lain angkah ngabaiko Yanti, kindang juga Dani, lain kik keti ruwajama-jama jahat.”
Fras ngahema. Lita buusaha nahan kesakikanni.
“Keputusanku radu selesai Fras. Nyak mawek dacok naganko nikumaleh ngejalani hurekmu.”
Lita lapah mik mubil ni. Fras lagi ngahema. Mawat mesaka bunyinimubil laju mit ranglaya. Fras nyaraman rek ngaburu ni, kindang sayuk.
Lita ngalapah ko mubil bugeluk, buusaha ngahena kendaraan bareh. Ranglayamacet, Lita terok milak jak Fras. Sejawoh-jawohni. Ya ngabeji Fras. Mabeji jamabadanni tanggalan. Ya nekat haga ngahapus Fras jak kehurekanni, kipak yatanggalan mawek yakin apikah buhasil kemak mawat.
Mubil bus penumpang laju jak bulawan arah, Lita mawat nyaramanmubilni di rang jalur sai salah.
Alibambang liyu, Lita nuntongni. Injuk alibambang sai gegoh sairatong jeno pagi. Matani Lita nutuk arah kamborni alibambang sedi. Telakson busduri sampai di cuping Lita, radu maredik nihan. Lita nyaraman suara telaksonmahatang, kindang sayuk kadu makelom.
***
Waktu dibi di akhir April, bebai sai mejong di kursi ruda nuntonglawok sai injuk mawat dok tepi dibi udi. Bakas sai ngaredik jak arah sai bubida.Wat bebai nawit sanak lunik ngeredik, warna suluh, warna keemasan luncat barongumbak sai seburuan di pantai, angin dibi sai lembut musau buwokni bebai saimejong di kursi ruda. Ya ngarilong mik arah bakas sedi, kadu maleh mik bebairek sanak lunik sedi. Ya ngimut.
Wat nihan nyak terok hurek barong ya. Ya barong niku, bunyi kedengian ti redik jama nyak, rek nyak mawat pandai haga api pikeran-pikeransemacam sedi, risok tuwoh rek nganak-nganak inggal waktu sampai susah tikendaliko.
Risok niku cawa, waktu mejong gegoh sinji. “Nyak terok gegohmatarani, sai santor pandai kapan haga lapah ngeguaiko tugasni. Rek mulang mikrang ni kik waktu ni radu sampai. ”Niku ngabekom culukku, kadu niku nuntong mataranisai separo nilebon ulehni lawok. Niku narek hengas.
Suarani umbak sedi, angin sai butiyup, suarani kenui sai kambortanggalan, halinu-halinu sedi. Jalni kisah tumbai nyani bebai sedi puhema,injuk tipisahko jak dunia.
“Lita, radu hamper di bingi, mulang yu?”
Alibambang liyu, Lita nuntongni, mata rani pun radu lebon disalok lawok. []
